• كتبنا عن لوبي أبناء أمدرمان وكيفية سيطرته على وسائل الإتصال القومية والخاصة ، وتحدثنا عن محاولة خلق مُسلمات في دواخل عامة الشعب بأن الأمدرماني هو صفوة المجتمع والآخرون إما عاشقين لهم أو لاوجود لهم. • وصلتني العديد من الرسائل مابين مؤيد ومعارض لما طرحت وأما المعارضين فإنقسموا قسم ناقش بتهذيب والآخر فضل أسلوب الشتائم وإزدراء الآخر وهو مايؤيد وجهة نظرنا في الاستعلاء الخاوي المبني على مجهول. • والذين يعتقدون ان الإستعلاء على المدن الاخرى هو أمر من القومية بحسبان إنصهار القبائل في نسيجها وأخد طابع وحدانية الوجدان هم خاطئون. فالأمر لايعدو سوى كونه إستبدال استعلاء بآخر يقود الى الكراهية، وللأستدلال على الأمر نأخذ كرة القدم كنموذج لأنها تعبر بوضوح عن الوجدان الشعبي البسيط ، ولنأخذ العبرة من الكراهية العنيفة التي نمت بين مدينة القاهرة متمثلة فى الأهلى والزمالك وبقية المدن متمثلة في الأسماعيلي والمصري وهنا فى السودان كم من (علقة ) نالها الهلال والمريخ في مدينة عطبرة ومدينة شندي . وهو شعور ناتج من حنق تجاه مدينة نصبت نفسها على عرش المدن من دون وجه حق. • كتبت منتقدا إستخدام الوسائل القومية فى بث ثقافة المدينة الفاضلة ، وياللمصادفة "الضارة " فأثناء كتابتي هذا المقال وعلى قناة النيل الأزرق أحد الضيوف "المهابيل" يمجد في مدينة الوهم. ومن قبل كان هناك ترويج لبرنامج سيذاع الأسبوع القادم تحت عنوان " أولاد العرضة" !!!!! • الإناء الفارغ يحدث دوياً . • لم أسمع يوما أحد أبناء الخرطوم أو الخرطوم بحري يصرخ قائلا" أنا ود الخرطوم" فالرقي والحضارة والأصالة تحدث عن نفسها وكذلك أبناء مدينة الجمال مدني وعروس الرمال وكسلا الجميلة ودارفور وسنار الحضارة وغيرها من المدن . • على اللوبي الأمدرماني المتنفذ والمتمركز في وسائل الأعلام أن يعلم بأن الرسائل الدعائية الموجهة أثبتت فشلها علميا في تثبيت أو تغيير المفاهيم للمجتمع المعني وذلك بعد الحرب العالمية الثانية بل أثبتت الدراسات العلمية ظهور إنحراف كبير في الغايات المرادة أقرب الى أن تكون عكسية . • أمدرمان مدينة أتخذت شكل المجتمع بعد الثورة المهدية وأذدهرت كمدينة في عهد الخليفة عبد الله التعايشي. وهي مدينة حديثة النشأة ليس لها إسهام في التاريخ السوداني القديم وتاريخها يبدأ فقط من المهدية ؟ ولذلك تجدني متسائلا عن أي عراقة وحضارة يتحدثون!!! تفالة القول:- • إذا طلبنا من مبدعي أمدرمان العودة الى ولاياتهم الأصلية التي تشربوا من بيئتها وشكلت وجدانهم فلن تجدوا من يحيي أمسياتكم سوى "عشة سكاسك" . • أم در مدينة غير آمنة ، ومكتظة سكانيا ويكثر فيها حوادث النهب المسلح (بالسواطير والسكاكين ) وتعتبر المدينة الأكثر قذارة من بين المدن السودانية. وهي مدينة أصابها خلل في الدماغ لا أخذت من حداثة المدن ولا أحتفظت بهوية القرية • لذلك تجد الأمدرماني الذي تفتح عليه أبواب الرزق لايتردد في شد الرحال الى الخرطوم. • ولأن الأمدرماني بطبعه " بسيط" تجد البعض يمارس عليهم دور "الأسياد والعبيد" وتجدهم غارقين في الخرافة والتمجيد الغبي . • مدينة من زمن الجاهلية "سيدي وسيدك" . • نطالب بعدد متساوي من أبناء المدن الأخرى في وسائل الأعلام القومية لوضع حد لهذا الوبي المتنفذ .
كتب الهندى عز الدين فى صحيفة اخر لحظة...وتساءل لماذا الاراضى فى الخرطوم أغلى من أمدرمان ولماذا الخرطوم أجمل عمرانيا من أمدرمان . عليك الله دى حسادة شنو.. ..... عليك الله يا الهندى سمعت ليك زول قال انا ود الخرطوم....وأنتنو فالقننا ومعذبننا بى عبارة انا ود امدرمان الخرطوم أجمل يالهندى لان أبنائها لايشعرون بالدونية تجاه اى فرد من أبناء هذا الوطن.. والخرطوم اجمل لانها لاتعرف تعصب المدن, وان كانت امدرمان ارتبطت بالفن والتاريخ والوطنية لاماذا تستكثرون علينا الرقى ووالعمران. من اكبر عيوب امدرمان انها لامة البسوى والمابسوى..والواحد لو جا من البلد قبل مايخت شنطتو يقول ليك انا ود امدرمان..... والاناء الفارغ يحدث ضجيج... الخرطوم ياهندى الامن والامان....ولاتعرف الاختراقات لأن ابنائها الاكثر حضارة ومواكبة للزمن.. والخرطوم اغلى وفقا لمستوفيات العرض والطلب...وما عيب الخرطوم ان كان المستثمرين يفضلون الامن وتوفر البنى التحتية الافضل.. طيب ماأنت ود أمدرمان...سيد البلد (مع الاعتزار للهلال) وسيد الفن وسيد الحضارة وسيد وسيد و..... مالك ومال غلاة الخرطوم...داير تبيع البقعة ولا شنو أجمل مافى الخرطوم ...تحضر أبنائها ونظرتهم الراقية للوطن ولو فى واحد قال ليك انا ود الخرطوم تعرفوا طوالى ده جاى من أمدرمان.
والكارثة والداهية ,,كتب الصحفى الرياضى خالد عز الدين منذ فترة وهو يقول ان ابناء امدرمان لايحتفلون بعيد رأس السنة فى امدرمان لانها مدينة محترمة ويذهبون للصعلقة فى الخرطوم فى شوارع العمارات وعلى ناصية لذيذ.....وعلى مرمى حجر من مطار الخرطوم طيب ياود امدرمان انت تحترم المدينة وما تحترم نفسك...فاذا كانت امدرمان محترمة لأنها لاتحتفل بعيد رأس السنة,فأنت غير محترم لأنك تحتفل بعيد راس السنة, تلك هى المعادلة. والحقيقة أنكم تحتفلون بالخرطوم لحبكم المدفون فى دواخلكم ويجعلكم تهلوثون...انا ودامدرمان.
[إشاعة إشاعة]
ردود على إشاعة إشاعة
[وكتين يضيع عرق الجباه الشم شمار فى مرقه]02-14-2013 04:24 AM
الأخ او الأخت : إشاعة اشاعة : السلام والرحمة والبركات وبعد : المدعو شاذلى الزين : يود توجيه الرأى فى إتجاه معين لصالح هدف سياسى او إجتماعى بعينه ! وبحاول بشحد ويستدر العطف والشفقه والمؤازرة من أبناء الخرطوم وبحرى وود مدنى وكسلا وسنار ودارفور وهو يجهل ولا يعلم أننا من هذه المدن وأهل هذه المدن منا – نحن خليط من كل هذه المدن – وهذه ميزة وتفرد مدينة أم درمان بما تحمله من كل هذه الموروثات والثقافات الجميلة .
الزول ده عندو غرض معين انت جاهله فلا تحكم بظاهر القول و تتبع الهوى دون أن تستوضح وتعلم الأسباب التى تدعوه للقول بهذه الإفتراءات : إن إخوة يوسف جاءوا أباهم عشاءاً يبكون .
لو مشيت فى نهجك ده لا بتلقى الخرطوم لا أم درمان – لا تسمح له بضرب نسيجك المركزى – حتى يجعل البيئة خصبة للقادمين !!! (إنشاءالله تفهم القصد ياود الخرطوم)
أخيراً أربا بك وألتمس لك العزر فيما لا تعلمه - وإنشاء الله فيك الخير وحسن المقصد .
والقافلة تسير دون مبالاة بطفيليها ومتسلقيها وشذاذ أفاقها .. هنا أم درمان .. هنا السودان .
هل رأيت ( ردود ) أبناء أمدرمان عليك .. إن تأملتها تستطيع أن تتعرف عليهم فورا وسأكشف لك السر للمستقبل .. ستجد أن كتابتهم ( تخلو ) من الأخطاء الأملائية وفى إختيارهم للكلمات العربية التى تحتمل أكثر من معنى _ يعنى الواحد منهم ممكن يشتمك وأنت مبسوط وتعتقد بأنه يمدحك - .!@
يا جماعة ما تلوموه لو كان زينا حام في سوق أمدرمان من صغره كان، لو كان حام في شوارعها الضيقة حتى مليانة موية بلاعات كان ، لو كان حام واشترى المجلات والكتب من الواطة في المحطة الوسطى كان، لو كان عاش في زقايق أمدرمان الحيطة في الحيطة والصحون تتطاقش بالحيط كان، لو عرف بساطة أهل أمدرمان وحبهم لبعض وتكاتفهم مع بعض كان، لو كان مشى بسوق الجلود بريحته العفنة ووصل لحدي محل السينمات بتبشها وشطتها الببيعوهم ببرة كان، لو ولو يا سلام عليك يا أمدرمان المسكين ما عارف، بنحبها بوسخا القال عليه بنحبنا بعواليقا بنحبها بحراميتها والبسلبوا وينهبوا فيها وما بنبدلها بأي مدينة في العالم وأحسن أحسن تبعد من ناس أمدرمان
يا ناس أرجو أن تلاحظوا ظهور مقالات من مثل هذا النوع ، فقد كتب أحدهم مقالاً انصرافياعن هروب المك نمر وقام بتمجيد التعايشي؟؟؟؟؟ واليوم يريد الكاتب أن يشغلنا جميعاً عن قضايا اليوم وان ننصرف لنقاش غير هادف. اني أخشي عليكم من الكتابة الموجهة لإلهائنا عن أهم القضايا.
أرجو شاكراً من جميع القراء عدم الرد علي مثيرو العنصرية والجهوية ولا تردوا عليهم .....
فعلاً أمدرمان مدينة غير آمنة والدليل على ذلك كثرة الشماسة وخطف شنط البنات والتهديدات التي يلقاها المارة من هؤلاء الذين أصبحوا كالنبت الشيطاني , ما على المدافعين عنها إلا أن يذهبوا ليلاً للشهداء وهم يحملون شنطة صغيرة فارغة وبعدها عينك ما تشوف إلا النور، علماً بأنني من سكان أمدرمان سابقاً
انا من مواليد هذه المدينة العريقة الا اننى لم انشأ واترعرع فيها لظروف ما ولكننى من خلال فترة قصيرة قضيتها فيها وانا واع رشيد وجدت فى هذه المدينة ما لم اجده فى اى مدينة اخرى من مدن السودان التى زرتها (تمتاز مدينة امدرمان من غيرها من المدن بالانسجام والتعايش السلمى والاندماج رغم التباين الواضح فى الملامح والوجوه)استطاع مواطنو امدرمان ان يشكلوا مجتمع متماسك ومتداخل متجاوزين كل الحدود القبلية والجهوية الضيقة حيث اضحت بوتقة منصهرة فيما بينها مشكلين بذلك نموزج السودان المصغر يعتبر الامثل على الصعيد السودانى وهذا ما جعلها تتربع على عرش المدن السودانية بلا منازع ولولا هذا التمييز فى وحدة الاطياف السودانية لما كانت امدرمان رائدة جميع المجالات (الفكرية السياسية والثقافية والفنية والرياضية)على مستوى السودان اجمع . للحقيقة فقط لا للمحاباة والدفاع عن امدرمان ولست انا الذى يدافع عن عملاق مثل امدرمان فهى بتميزها وتفردها ودورها الرائد تستطيع ان تدافع عن نفسها دون عناء(امدرمان مدينة عظيمة ونتمنى ان تكون على هذا المنوال حتى تنير بقية المدن السودانية بهذا التفرد والاندماج والانسجام).
انت زول حاقد بس مع حترامى ليك بس امدرمان الحضارة والاصالة والتاريخ اساسا اغلب تاريخ السودان عن الثورة المهدية والمهدية هى امدرمان وانا واثق انك فى دواخلك تتمنى انك تكون امدرمانوالبتقولوكل اهل السودان لمن الواحد يقول مسافر ما بقول الخرطوم ولا بحرى بقول ماشى امدرمان ثم الخرطوم متى تكونت اساسا على الاقل امدرمان لها اكتر من 100 سنة ثم انت من وين فى الخرطوم واغلب احياء الخرطوم ظهرت فى ستينيات القرن الماضى
أمدرمان مدينة أتخذت شكل المجتمع بعد الثورة المهدية وأذدهرت كمدينة في عهد الخليفة عبد الله التعايشي. وهي مدينة حديثة النشأة ليس لها إسهام في التاريخ السوداني القديم وتاريخها يبدأ فقط من المهدية ؟ ولذلك تجدني متسائلا عن أي عراقة وحضارة يتحدثون!!! يا ابني قلنا ليك امدرمان بت ملك من ملوك العنج... عليك بقراءة التاريخ
يا اخوانا الراجل ببحث عن شهرة ارجو ان لاتمنحوه مايريد وذلك بالتوقف عن الردود عليه وامدرمان ما محتاجة للدفاع عنها فهى قد دافعت عن نفسها امام كتشنر خليك من شاذلى الزين ،، وعشان شاذلى يعرف قيمة امدرمان خليه يقرأ البيت الذى قيل فى مدحها ومدح احد زعمائها : عظيم يا امدر امام ناسك منور حتى كناسك طبعا ده زمن كان الكناسين -وهم تابعين للبلدية- بينظفوا امدرمان يوميا وما عارف الزمن داك الشاذلى كان وين ؟؟ معليش انا وصيتكم بعدم الرد عليه وها انا قد غلبنى واجب الدفاع عن امدرمان فرددت عليه
الناس المنفعلين ديل منفعلين في شنو يعني الزول الا يكضب عشان ترتاحوا
قال ام درمان اقذر مدينة امشوا السوق الشعبي امدرمان او الشهداء او القماير لتتحققوا من ذلك دي موش اقذر مدينة دي المادة الخام للقذارة نفسها
تاني قال امدرمان ما امنه و فيها عصابات بي سواطيرا دي حقيقة لا ينفيها حتى اكثر المتعصبين لي امدرمان راجعوا صفحات الجرائم في الصحف و اعملوا احصائية بتثبت ليكم الكلام دا او الاسهل اسألوا اي شرطي ليه بيكره الشغل في امدرمان ياخي دي عقوبة وجزاء عدييل في قاموس الشرطة انو تشتغل في امدرمان
اخيرا يا المعلقين من عراقيبكم الراجل دا قال حقائق السودانيين كلهم عارفينها و نكرانكم ليها دا ما بينفيها شئتم ام ابيتم و ان عدتم عدنا
[قلام]
ردود على قلام
[المافي]02-13-2013 12:50 AM
يا قلام والله صدقت انا ساكن الثورة و كل يوم بيتي ناقصة منو حاجة و الميدان الرئيسي عندنا
بقى مقلب زبالة
انا غايتو كان الله هون لي قريشات برحل بحري
[وكتين يضيع عرق الجباه الشم شمار فى مرقه]02-12-2013 09:39 PM
أخ قلام : السلام والرحمه والبركات وبعد : الكاتب لا يكتب بهذا المنظور الذى تنظر به إلى الأشياء ركز وعيد قراءة المقال وحاتفهم - ودى حقيقه بفهموها ناس علم الإعلام الإجتماعى , وعلم النفسى المجتمعى – تعرف كيف توجه المشاعر والإحاسيس فى إتجاه معين ولصالح غرض معين لهدف سياسى او إجتماعى بعينه - الزول ده بحاول بضرب فى وتر معين لأغراض تدمر اللحمه المركزيه لشى فى نفسه والمبررات كثر لا داعى للتطرق لها - اما بالنسبه للقزاره والاوساخ فكل المدن السودانيه بها هذا العضال لأسباب عدة سياسية وإدارية وإجتماعية يطول شرحها - والجريمه فى كل مكان لها مبررات يعلمها أهل الإختصاص - لا تعطيهو سمكه ولكن علمهو كيف يصطادها ؟ ... ( وفر له حياة كريمة وصحة وتعليم وعمل ووعى مجتمعى فلن يتجه لبيع الخمر او إرتكاب الجريمه ) - ولو كنت شرطى او ملم بالثقافة الشرطيه فلازم تفهم إنو كلامو ده أخطر من السواطير والجريمه التى يتحدث عنها . ولا تحكم بظاهر القول دون أن تستوضح وتعلم الأسباب : فإن إخوة يوسف جاءوا أباهم عشاءاً يبكون .
وقلنا للمدعو شاذلى الزين هذا لو كان لديك مشكله مع النظام وطريقة إدارتو للدوله والكلام الفاضى بتاع جلابه وغرابه يكون واضح ويبقى قدر كلامو وهداك النظام يبقى راجل وقدر كلامو ويكون واضح وما يتلون مثل الحرباء ويتلولو مثل الأفعى .
أخيراً أربا بك وألتمس لك العزر فيما لا تعلمه - وإنشاء الله فيك الخير وحسن المقصد .
ام درمان أيتها اللؤلؤه النفيسه والدرة الفريدة .. المتربعه فى القلوب .. المتجزره فى النفوس .. ما أبهاكى .
[sliman]02-12-2013 08:00 PM
السوق لشعبي والشهداء والاسواق دي الشغال فبها منو ناس امدرمان برضو؟ كل واحد بيمشي اي محل بنقل ثقافتو معاهو يا شاطر .
وصلتني العديد من الرسائل مابين مؤيد ومعارض لما طرحت وأما المعارضين فإنقسموا قسم ناقش بتهذيب والآخر فضل أسلوب الشتائم وإزدراء الآخر وهو مايؤيد وجهة نظرنا في الاستعلاء الخاوي المبني على مجهول. • أم در مدينة غير آمنة ، ومكتظة سكانيا ويكثر فيها حوادث النهب المسلح (بالسواطير والسكاكين ) وتعتبر المدينة الأكثر قذارة من بين المدن السودانية. وهي مدينة أصابها خلل في الدماغ لا أخذت من حداثة المدن ولا أحتفظت بهوية القرية الفقره الاولي المقتبسه من المقال يتكلم الكاتب عن الاسلوب ، وبالفقره الثانيه يظهر اسلبوه الخاص في التحدث عن امدرمان اخوتي المعلقين واخص اهل امدرمان الترفع عن التعليق علي ما كتب وماسيكتب لان مقاله يحمل الرقم 2 لا ادري كم من ارقام ستاتي . المهم لو لا حبي وعشفي لامدرمان ماكتبت هذا التعليق ، بيبدو ان الكاتب يحمل الكثير السئ بقلبه لمدينة امدرمان والتي هي تمثل السودان المصغر بما تحتضنه من كل ابناء السودان لذلك هي الابداع هي الثقافه هي التنوع هي الجمال وهي وهي وهي وهي ............ رغم الاعادي لك حبي وشوقي يامدر امدرماني حتي النخاع مقيم بالرياض
اول شي الكلام البتقول فيهو دا الناس خلوهو زمان مالك داير ترجعنا تاني لي ورا, وبعدين والله ناس امدرمان افقر ناس ولو ما مصدق الكلام دا تعال لي وانا الفلفك ودنوباوي وحي العمده والعابسيه والعرضه والكبجاب وانزلك الحفر بيت بيت وشوف بي نفسك وقارن .وازيدك كمان شويه مش الرئيس جعفر نميري من ودنوباوي تعال شوف بيتو وقارنو بي بيتكم وناس ودنوباوي حنسو حنيس عشان يديهم قطعة ارض يبنو فيها ميدان (الاستاد الحالي) ولو ما عارف حقو تسأل ,الصادق المهدي وسوار الدهب ونميري وعبدالله خليل كلهم اولاد امدرمان لكن ما قدمو اي شيء يذكر لي امدرمان وازيدك كمان ناس امدرمان ما بشغلوهم في الحكومه والكلام دا اي زول عارفو وهم زاتم زهجو وهاجرو يشوفو ليهم بلد مافيهو انت من وين وجنسيتك شنو وجاي من وين .وامدرمان فيها الدينكاوي والفلاتي والشايقي ووووووووو ومافي زول بسأل زول انت جنسك شنو .واخيرا اقول ليك لمن تجي من الدوحه تعال انا عازمك صحن فول عند موسي نفخو في نص ودنوباوي عشان تشوف الطيبه والمحبه والماعندو محبه ما عندو الحبه .والكلام القلتو دا ناس امدرمان منو براءه.والعرضه القلتا مايجيبوها في التلفزيون دي عليك الله تعال شوفه وكان علي التلفزيون انشاءالله مايجي لا بقدم ولا بأخر ولا بشبع . واخيراالفتنه نايمه قاتل الله من ايقظها يا الشاذلي .........
[shiba]
ردود على Shiba
[وكتين يضيع عرق الجباه الشم شمار فى مرقه]02-12-2013 10:08 PM
الأخ Shiba : تحية إعتزاز وإحترام ويظل الإنسان الام درمانى دوما جميلاً نبيلاً ياجميل والتحية لود نباوى تلك البقعه الفريدة وإحدى جواهر أ م درمان الصامدة . الكاتب يعلم بكل هذا الكلام الجميل النبيل الذى تقوله يا إنسان يانبيل
المدعو شاذلى الزين : يود توجيه الرأى فى إتجاه معين لصالح هدف سياسى او إجتماعى بعينه وبحاول بشحد ويستدر العطف والشفقه والمؤازرة من أبناء الخرطوم وبحرى وود مدنى وكسلا وسنار ودارفور - وهو يجهل ولا يعلم أننا من هذه المدن وأهل هذه المدن منا – نحن خليط من كل هذه المدن – وهذه ميزة وتفرد مدينة أم درمان بما تحمله من كل هذه الموروثات والثقافات الجميلة .
والقافلة تسير دون مبالاة بطفيليها ومتسلقيها وشذاذ أفاقها .. هنا أم درمان
صدقت في كل حرف يا الشاذلي و المضحك انك تلقى واحد ساكن امبدة الحارة عشرومية و يجي يتفاصح و يقل ادبو و يتنطط علينا نحنا اولاد الخرطوم تلاتة والله هانت الزلابيا واصل يا زول في مقالاتك ولا يهمك كلام الرعاع اصلو ديل مجايب الخليفة عبدالله
[خرطومي]
ردود على خرطومي
[ودالديم]02-12-2013 09:31 PM
اقول ليك حاجه ؟ اها انته الخرطوم دي ما بلدك يعني انته جيتها كبير لأنك فاقد الكود ولي علمك سكان امدرمان والخرطوم وبحري الاصليين مافيش واحد فيهم بيتكلم عن الاخر بي طريقتك دي .
الموضوعية و الكلام المؤسس أيها الحانق على أم درمان و علينا هو الدليل على درجة الوعي الذي يميزنا نحن ابناء ام درمان عن من هم دوننا أمثالك فقط كن موضوعياً يا سيد (حاقد على أم درمان ست مدن السودان و ستك و ست قبيلتك)
[هند محمد سليمان]
ردود على هند محمد سليمان
[محجوب عبد المنعم حسن معني]02-13-2013 12:23 AM
تعرفي يا اخت هند انا الزول عايز ارد عليه بكلام كثير، لكن ما عارف حسيت انو زول نكرة فقط هو عايز يشتهر بسبه لامدرمان، في المقال الاول ردينا عليه بادب لكن شكله كده حا يخلينا نغير السياسة
ويسخر امثالك ويتندر على امدرمان الابداع موطنه ام در بل هى الابداع كله ولااريد ان اعدد لك اسماء مبدعى امدرمان فهؤلاء عمالقة وانت قزم ولايفهم القزم ماذا يقول او يفعل العمالقة وهذه المدينة الاستثنائية لاتستوعب افكار امثالكم ولاتابه بترهاتهم ولايضيرها حقدامثالكم فالكلب حين يولغ فى النهر فهذا لايدنس ماء النهر ويبقى الذهب ذهبا مهما طال عليه الزمن ويبقى الجبل شاهقا وان تطاول الاقزام .الله يفقع مرارتك ياالمدعو شاذلى الزين انت قريت الاعلام وين يا حاقد ياجهلول وصدق الشاعر حين قال ..وان عناءا ان تفهم جاهلا فيحسب جهلا انه منك افهم.. ونحن لن شرح لك الكثير والحقيقة التى يعلمها كل اهل السودان انه ما من مدينة فى السودان تغنى لها وبها الشعراء مثل امدرمان ونامل ان نسمع منك هجاء لامدرمان ايها الاعلامى النكرة الرويبضة
ماعندك موضوع وكمان دي الحلقة الثانية ونتوقع الثالثة ليه اولاد امدرمان من حقهم إظهار محبتهم لمدينتهم التي هي بمثابة الام لهم وهي التي نشأوا وترعرعوا فيها وشهدت شوارعها وانديتها لقاءتهم واجتماعياتهم لماذا تحس بالدونية هم ليسوا بأحسن منك دعهم في حالهم وشوف ليك موضوع مهم اكتب فيه حلقات وامدرمان شئت ام ابيت قدمت للوطن الكثير من أبنائها المميزين في كافة المجالات وهذا موضوع يمكن ان تكتب فيه مجلدات وليس حلقات اذا تجردت من شعورك بالاحساس بعقدة الدونية والشعور بالنقص ووصفك لهم بالاستعلاء يدل علي شعورك بالنقص بينما ماسميته استعلاءا هو اعتزازا بانتمائهم لمدينة عظيمة انجبت عظماء اسهموا في نهضة الوطن الكبير*
ياشاذلى الزين : كل إناء بما فيه ينضح وشتمك لام درمان ووصفك لها بهذه الأوصاف يوضح جلياً الكم الهائل من الأحقاد والنفس المريضه داخلك – وعندما تزكر فى حديثك اولاد الخرطوم او بحرى او مدنى وكل تلك المدن العزيزه واهلها الكرام فإنك تحاول أن تستميلهم إليك وتلعب على الوتر النفسى للتعصب للمناطق والكلام ده بفهمهو اهل الأعلام جيداً وهو عمل رخيص – وبعدين بتقول لو كل زول رجع لمنطقتو ام درمان حاتكون خاويه وفعلا انتا إنسان خاوى بكل ماتحمله الكلمه من معنى – ام درمان اتفردت لانها مزيج كل هذه القبائل والاعراق والمناطق – وما عارف ام درمان الانتا شايفها غير امنه دى ياها ام درمان دى وله واحده غيرها - ام درمان البنعرفها احنا أمن وامان للبحبها والزيك بنواسيهو – وبعدين سيدى وسيدك دى موجوده فى كل اقاليم السودان لو قلتا الغرب وله الشرق وله الشمال وله الجنوب – وقبة الإمام المهدى فى ام درمان وجامع السيد على فى بحرى , وأنصار المهدى الأصلاء النجباء من الغرب الحبيب ومريدى السيد الميرغنى فى الشمال وأكثرهم فى الشرق الحبيب – فلماذا التحامل على مدينة أم درمان فقط إن لم يكن فى النفس شى من مرض – وعندما تطالب بعدد متساوى من أبناء المدن الأخرى فى الإعلام القومى فإنك تكرر نفس نهجك فى محاولة إستدار العطف لإستمالتهم إليك واللعب على نفس الوتر البغيض – ثم من قال لك إن الام درمانيين يسيطرون على الاعلام القومى – إتقى الله ودعها فإنها منتنه – والأفضل لك أن تنهل من بحور الثقافه والفكر والمعرفه حتى يستوعبك هذا الإعلام القومى – بدل النحيب ودق أسفين الحقد والعنصريه وإن كان لك عداوه مع طريقة إدارة الدوله فخليك قدرها وواجه ماتطعن فى الضل أمشى دغرى وأهلنا بقولو السواى مو حداث – أم درمان ماعندها ذنب فى كل هذا - إلا انها أمدرمان التى نحبها ونهواها والقافله تسير دون مبالاه لطفيليها وشذاذ أفاقها .
سلام يا البقعة ، مبروكة الإله والدين حباب الحرروك ، لا إنتماء لادين حباب السودنوك ، خلوك سماره وزين حباب الأزهري ، النكس ذرى العلمين حباب الراية ، هفهافه وتكيل العين قولوا معاي تبارك ، أقول دقر ياعين وزغرتي ياام رشوم ، وقولي البطان وين وين بركز لما سيطانم تبيد وتلين ولما يشوفوا قطع إيدي بالسكين ولما تقول حمامة ، كفاك .. دقر ياعين سلام ياالقلعة بي بدورها وجواهر تاجها سلام يااب عنجه خورك لاقى نيلو الناجا سلام يااب روف وودنوباوي ضوى سراجها سلام ديم أب سعد نارالخيم وجاجه سلام - الله أكبر- في الفتح دجاجه بسيوفها ورماحها ، ولي الحمد سجاجه بحر أبيض فتح أبوابه وقت الحاجه زي ما موسي عد .. بلا تعب لا حاجه كلـــــك أدباء من عشاق وفنانين شالوك في عيونم وصوروك تلوين وشاشوبك شعر مطبوع جزيل ورصين فيه أم در.. وفيه الأسكلة وستين وعازة الفي هواك ، نحن الجبال ثابتين يا فلق الصباح ، قول لي نهارك وين ترعاك في الفؤاد ، بعناية الحارسين يا كروان كرومه .. خليل فرح ما يلين يا ود الرضي القلبه انقطع نصين ترى العبادي ماسك الدابي بالليدين مع أبو صلاح ونور الكهربائي الزين فيك الحاج سرور، غني الفراق لي متين وما عارف المفارق ، قدمو ماش لي وين وياعازة الفراق .. طال بي ، وكله حنين وسلام يا البقعة ، مبروكة الإله والدين .
[وكتين يضيع عرق الجباه الشم شمار فى مرقه]
ردود على وكتين يضيع عرق الجباه الشم شمار فى مرقه
[محجوب عبد المنعم حسن معني]02-13-2013 10:06 PM
ولك التحية انت يا رائع، تعرف اجمل حاجة عملها النكرة ده، خلانا نتعارف، امدرمان في القلب يا حبيب وتسلم
[وكتين يضيع عرق الجباه الشم شمار فى مرقه]02-12-2013 11:17 PM
الأخ محجوب معنى : التحيه ليك ولامدر الحبيبة ولكل أهلنا فى بانت وام در أكبر من هؤلاء الصغار الطفيلييين .
الأخ خالد أبو عاقلة : التحيه ليك ولامدر الغاليه ولكل أهلنا فى بانت وهذا مايميزنا أصالة الكلمة ونبل المعنى .
الأخت هند محمد سليمان : تحية محبة وإعتزاز ربنا يحفظك وتسلم البطن الجابتك .
انا امدرمان سليلة السيل قسمت الليل وبنت صباح انا الولدوني بالتهليل وهلت فوقي غابة رماح انا الطابية المقابلة النيل وانا العافية البشد الحيل انا القبة البتضوي الليل وتهدي الناس سلام وامان .
انا امدرمان انا الامة وصوت الامة وإحساسه انا التاسئسه بي تم وانا اللميت شتات ناسا مزجت شمالا بجنوبا وسكبت شروقا في غروبه وزرعت الطيبة في دروبا وطابت عزة للاوطان .
انا امدرمان سقاني النيل رحيف العزة من كاسو انا اللي مجدو كنت دليل واية وحدة لناسو انا الفي الشاطئ الغربي سقوط غردون مهر حربي انا النيل الطلب قربي ومزج بين كافة الالوان .
انا امدرمان دا ميلادي وتيلادي البشيل اسمي انا القدمت اولادي شرافة وسيف علي وسمي وكنت القوة والحولة وحزت وفزت بالجولة وشلت الراية والدولة وفي التاريخ بقيت عنوان .. انا امدرمان .
[محجوب عبد المنعم حسن معني]02-12-2013 11:45 AM
كلامك سمح بالحيل، لكن زولك ده انا جاييه قولو ليهو بس اركز انا خائف يخلي الدوحة ده عديل كده
[خالد بابكر أبوعاقلة]02-12-2013 09:34 AM
لأولاد امدرمان لهجة خاصة وطريقة نطق مميزة للغة العربية السودانية الدارجية , وهذه اللغة كما يعرف الكثيرون لا يميزها إلا أولاد أمدرمان , وهي حلقة الوصل السرية بينهم , فما أن يتحادث منهم أثنان لا يعرفان بعضهما البعض حتى يصيح الآخر بسؤال : هل أنت من امدرمان ؟
[هند محمد سليمان]02-12-2013 08:49 AM
#582684 يسلم فمك و الله و تسمل البطن الجابتك يا ود أم درمان يا أصيللللللللللللللللللللللللللل
عن اي امدرمان تتحدث يا رجل ؟ اعطيك اولا فكره عن الحدود الجغرافيه لامدرمان . حدودها كالاتي شمالا الكبجاب وودنوباوي وحي العمده والمظاهر, غربا حي العرب وحي العرضه ابوكدوك وحي الصقور , جنوبا بانت شرق وبانت غرب . شرقا المورده والملازمين , بيت المال وابو روف في الوسط العباسيه , الهاشماب , حي الضباط , الشهداء , البوسته , المسالمه , الركابيه , مكي ,ود البنا , وداورو, حي الاسبتاليه وهناك فروع صغيره لا تسع لها المساحه , الفتيحاب منطقه قائمه بذاتها وهي الاقدم في المنطقه بجانب منطقة بير العمده بامبده الجميعاب والريف الشمالي بقراه المعروفه للمهتمين ,اما امبده والثوره فهي امتدادات حديثه ترجع لستينات القرن الماضي .اردت ان اذكر ذلك حتي يعرف الكاتب عن ماذا يتحدث لأنه من الواضح اذا كان يعرف فقد تشابه عليه البقر واذا كان لا يعرف فتلك مصيبة اخري , فقد قرن ممارسات وارده مع من وردوا وحاول الصاقها عنوه باهل تلك المدينه الفاضله مثل قوله ( • أم در مدينة غير آمنة ، ومكتظة سكانيا ويكثر فيها حوادث النهب المسلح (بالسواطير والسكاكين ) وتعتبر المدينة الأكثر قذارة من بين المدن السودانية. وهي مدينة أصابها خلل في الدماغ لا أخذت من حداثة المدن ولا أحتفظت بهوية القرية ) الواضح ان الكاتب بتحامله الواضح علي امدرمان واهلها لا يعجبه ان مدينه مثل امدرمان ادت دورها في صناعة تاريخ السودان الحديث بجانب بعض مدن السودان الاخري ان تأخذ حظها من الاعلام , فتميز هذه المدينه جاء باضافة امجاد اخري اضافة لدورها المذكور وهو رعاية الثقافه فكانت قبله للسودانيين من مختلف مناطقهم الجغرافيه فتوطن فيها اناس اثروا الحياة الفنيه والادبيه والثقافيه والرياضيه وقطنها من كانوا حداة النهضه التعليميه التي انتشرت لتعم كافة اقاليم السودان واحتضنت امدرمان نهضة تعليم المرأه التي زرعت نواتها في مدينة رفاعه لتثمر في امدرمان زهرات كان لهن قصب السبق في المساهمه في نهضة المرأه السودانيه في مختلف المجالات فكن اول من عمل في مجالات الطب والتعليم وصحة البيئه وكن خريجات مدرسة القابلات في اوائل القرن الماضي تلك المدرسه التي لعبت ادوارا كبيره في درء المخاطر عن اجيال كثيره من ابناء السودان جميعا ولا تنسي الادوار السياسيه الكبيره التي لعبتها امدرمان بابنائها وعلي رأسهم علي عبداللطيف وعبد الفضيل الماظ ورفاقهم في مقاومة الاستعمار ومن بعدهم المناضلين الذين قادوا النضال المدني من جمعية اللواء الابيض ومن بعدها مؤتمر الخريجين الذي مازالت داره تقف شاهده علي ذلك في قلب امدرمان . اما ثقافيا فكانت نهضة الاغنيه السودانيه الحديثه اعلنت انطلاقتها باسم حقيبة الفن وتطورت فيما بعد حتي وصلت لشكلها الحالي , وكانت الصالونات الادبيه التي لم تعرف في السودان قبل ان تقام في البقعه حيث التنافس الشعري والادبي وحتي المقاهي التي كانت مجمعا لاهل امدرمان تمارس فيها النشاطات المختلفه , حقدك علي امدرمان يا أخي ليس له مبرر فمن حقك ان تنشئ قناة فضائيه وان تطالب الدوله باستضافتك لتتحدث عن منطقتك بما تريد هذا اذا كان عندك ما تتحدث عنه اما محاولة الايحاء للقراء بان تلك الفئه الحاكمه تحابي او تجامل اهل امدرمان فخسئت وحبط عملك واقولها لك بكل تأكيد ربما تجد النسبه التي تتعاطف مع الحكومه قليله جدا بالمقارنه مع كل مدن السودان وذلك لاسباب يعرفها اهل امدرمان نفسهم فنحن لسنا في مقام هجوم علي احد ولكنها كلمة في حق مدينه يحاول البعض الحط من مقامها الرفيع . اما قولك ( ولأن الأمدرماني بطبعه " بسيط" تجد البعض يمارس عليهم دور "الأسياد والعبيد" وتجدهم غارقين في الخرافة والتمجيد الغبي . • مدينة من زمن الجاهلية "سيدي وسيدك" .) فهذه الممارسات لم يكن مكانها امدرمان وكل من له معرفه بتاريخ السودان يعرف ذلك فالعلم والثقافه عندما انتشرت في بقاع السودان المختلفه كان حاديها مدينة امدرمان ولعلمك وانت تقصد اسرة المهدي ان هذه الاسره تتعامل مع اهالي امدرمان معامله ليس فيها ماتقصده من استعلاء او شئ من هذا القبيل فتجدهم في المآتم والافراح والانشطه المختلفه يشاركون كامدرمانيون وكذلك غيرهم من الاسر الكبيره في أمدرمان . اما مطالبتك بتساوي العدد للاعلاميين فهناك مقاييس لبعض المهن يجب ان تتوافر في من يعمل بها كالاعلام الاذاعي والتلفزيوني فمقياس الثقافه العامه يعتبر من اساسيات العمل الاعلامي . اخيرا يا أخونا لم يبق غير هذا البيت من الشعر اقوله لك علك تقف علي معناه إذا أتتك مذمتي من ناقص فهي الشهادة لي بأني كامل .
اولا انت يا اسمك منو تمتطى المنطق لتقذفنا بالشتائم . نحن اولاد امدرمان شئت او ابيت ودى حاجه انت مابتفهمها. يا اخ نحن ماسألناك انت من وين ، انت جاى تسألنا مالك وتقول لينا ناس امدرمان , كمان تتطاول علينا وعلى مدينتنا البنحبها . وانا اسالك بى منطقك دة انت من وين ؟ وحتتك الولدوك فيها و اتربيت فيها انت مابتحبها ؟ لو بتحبها تبقى زينا ويبقى مافى داعى للشتائم وعدم الاحترام . ولو ما بتحبها تبقى انت زول محتاج لاعادة صياغه . ونحن فى امدرمان مستعدين نعيد صياغتك من اول وجديد . بعدين قصة الدوحه دى شنو ... ماكان تقعد فى مدينتك او قريتك المفروض تدين ليها بى ولاءك و حبك ودى اسمها الاصالة اى انك تدى الحاجات حقها ومستحقها . يا اخ انت لو اعلامى صحيح كنت وضعت امدرمان نموذج للدراسه عشان النتائج البتطلع بيها كانت على الاقل حلت ليك مشاكل السودان وخصوصا مشكلة الهويه " لاننا فى امدرمان بنحب بعض شدييييد وبنعرف بعض شدييييد وبنحترم بعض شديييد رغم اننا من اجناس مختلفه نوبه وعرب ودينكا وفلاته وبجه وكل الاجناس وفينا الغنى شديييد وفينا الفقران شديييد لكن كلنا وااااحد وكلنا بنشبه بعض " . امدرمان ياسيد طريفة حياه وليست تباهى . واديك نصيحه امسك خشمك عندك وتعال من الدوحه اقعد ليك فى امدرمان كم سنه عشان تتعلم . وصدقنى حاتندم ماعلى الحروف الانت كتبتها بس . حاتندم انك ما امدرمانى .
و ماذا يضيرك تمجيد أولاد امدرمان لمدينتهم, ولماذا لا تمجد أنت مدينتك أو قريتك؟ أم لعلك من البدو الرحل؟ ومن قال لك بأن الأعلام يسيطر عليه الأمدرمانيون؟ وهل محمد حاتم سليمان من أمدرمان؟ ليته كان أمدرمانياً, مثل حسن عبد الوهاب مثلاً, ذكره الله بالخير و سقى الله أيامه بالتلفزيون. أدهشتني جداً غيرتك من أمدرمان وهي محض مدينة جمعت كل قبائل السودان فتعايشوا و تداخلوا وتعارفوا فتالفوا مع المحافظة على خصائصهم و تقاليدهم فانفتحوا على الناس وتعلموا قبول الاخرين وامتازوا بالوسطيه بين أبناء السودان وعرفوا دون غيرهم أن الدين لله والوطن للجميع فعاش بينهم الهنود والأقباط لا خوف عليهم ولا هم يحزنون وهذه هي نكهة أمدرمان و طعمها ومذاقها.
وتذكر ان خليل فرح شاعر السودان الخالد كان منتمياً لأمدرمان وهو المحسي أصلاً وفصلاً و ميلاداً ويح قلبي الما انفك خافق فارق امدرمان باكي شافق يا ام قبايل ما فيك منافق سقى عارضك صوب الغمام
الخلل واضح فى تفكيرك وضعف فى الثقافة العامة وفهم خاطئ عن إعتزاز أبناء المدن السودانية المختلفة بمدنهم بعد أن ذابت القبيلة فى المدينة .. أستغرب بأنك توصف نفسك بالأعلامى ومازلت تكتب مثل هذه الخطرفات وأتوقع أن تكون خريج المعاهد المصرية إستنادا للمثل الذى ضربته بخصوص الأسماعيلى والزمالك مع علمك التام بمدى الأختلاف بيننا وبينهم فى كل شيئ ..! وبالمناسبة لايستطيع مبدعى أو غير مبدعى أم درمان العودة إلى ولاياتهم أو لقراهم لأنهم ببساطة لايعرفون غير أمدرمان وطنا وودعوا القبيلة منذ زمن بعيد وإكتسبوا الأنتماء لقبيلة ( أم درمان ) ... ! يااااالشاذلى .. أعرض عن هذا فيبدو أنك لست فى ( قامة ) الأمدرمانيين البسيطين - ناهيك عن الأعلاميين - فأنت لم تعيش فى أم درمان لكى تفهمها ولكننا نحن معشر الأمدرمانيين نفهمهها ونتفهم ( نفسياتكم) و نعرفكم من مشيتكم فى سوق أم درمان وحواريهها وتلفتكم الدائم حولكم بريبة وخوفكم من أن تدهسكم ( عربة ) مسرعة وأغلبكم مما يتذوق ( ايس كريم ) برعى المصرى - إن عرفته - لن يعود مرة أخرى لعشته, وبالمناسبة أغلب ( اللصوص ) وقاطعى الطريق هم ( أنتم ) فأهل أمدرمان أشرف من ذلك ..! لن أدافع عن أم درمان فهى قادرة عن الدفاع عن نفسهها وأنت أوهن من أن نبنى لك ( طابية )ويكفى أن لسانك تدلى من ( اللهاث ) وأنت تكتب ( مقالتين ) عن أم درمان ..!
كلامك 100% ولوضع حد لهذه الأكذوبة الكبري الإسمها(أمدرمان) ولوضع حد للهيمنة علي أجهزة الإعلام وإستغلالها في عملية غسيل مخ المواطن السوداني بوهم (أمدرمان) و(الأمدرماني) نطالب بأن تنطق الإذاعة السودانية( هنا الخرطوم) لاحظوا أن الإسم(أمدرمان) يوحي لك بالتخلف والجهل!! لندق أول مسمار في نعش هذا الوهم.
عزيزي كماتدعى شاذلي الزين: احترم رايك في المدينةالتي وصفتها وصفا للاسف قذر من وجه نظرك الشخص الذي لايعيش في امدرمان لايحس بقيمتها-ثم ان هذه المدينة تتميز بتوضع اهلها -فارجوك لاتسب الاماكن التي يحبها الاخرون-لاتعلم ماذا يحدث الله بعد ذلك-وللحديث بقية
كل علماء الفلك الموجودين في ناسا من ناس أمدر ياحبيبه
وجائزة نوبل برضو ما خلينها لليهود الكلاب
[mohy]
ردود على Mohy
[هند محمد سليمان]02-12-2013 08:55 AM
يا شباب الفوق كلهم الرديتو على الوهمة ده تسملو كلكم و سكتو االنوع ده بالله برقي يشبه عقلية أولاد أم درمان زينة شباب البد انا عجبني ردكم عليه و بالله ما تخلو عالم زي دي تتجرأ على مدينة الأثالة و الأدب الرفيع أنهم يتعالوا على الأكبر منهم قيمة و موضوعاً و أصلا و فصلا عشان ما يقعو على رقبتم و يكسروها تسلمو تسلمو
34 | 
0 | 
1375
